.: June 2013

Rezultatet e Matematikes 2013

http://www.mash.gov.al/File/matura/2013/rezultatet/matematike-2013-rezultatet.pdf

Leonora Poloska decided to return her to do the scene with a different appearance. It is the conclusion of a new song, which will bring together with video, produced by "Max Production".

The song for which the singer did not give the exact name, is likely to be titled "I need your love", is working hammer and Leviathan of "chaos" and will be promoted on Sunday's episode "A coffee Labin."

"The song is a dance, is preparing for the summer season, where I appear a little different than at other times. So is a clip summer, beach, etc., "she told" Voice ".

After this project, Leonora plans to conduct two duets, one song will be a Bulgarian singer, while others with an Albanian singer. ]]

Rilindi të bëhet baba, Tuna vazhdon ta rrahë ‘zogun’

Përderisa pop ylli, Tuna Sejdiu, po kënaqet me sukseset e arritur së fundmi, nga ana tjetër ish-bashkëshorti i saj do të bëhet baba, por me një femër tjetër.

Rilind Reka, i cili ka lënë prapa romancën me Tunën, ka gjetur veten në krahët e bashkëshortes së tij, Besës, me të cilën është duke e pritur dhe fëmiun e parë.

Për momentin Besa dhe Rilindi gjenden në SHBA ku ata janë në pritje të lindjes së fëmiut të tyre, kjo pasi edhe Besa jeton dhe vepron për shumë vite në Amerikë.

Jeta në dashuri për Rilind Rekën ka shkuar shumë mirë pas ndarjes nga Tuna, duke vendosur që të krijojë familje me një femër tjetër, e ndërsa Tuna... ehh Tuna vazhdon ta rrahë ‘zogun’ në karrierën e saj të jashtëzakonshme.

Rilindi dhe Tuna ishin të martuar para disa vitesh, por martesa e tyre zgjati vetëm pak ditë, pasi besohet se bukuroshja shkupjane refuzoi t’i bindej kërkesave të ish-bashkëshortit të tij për të ndalur angazhimet dhe agjendat e ngjeshura të karrierës së saj muzikore.

Lepurushja shqiptare e Playboy-t gjerman

Entela Resuli

-Deri para një muaji nuk kishim dëgjuar shumë për të, por kur fotot e saj dolën në revistën PlayBoy në Gjermani ajo pushtoi të gjitha mediat, edhe në Shqipëri. Për herë të parë një shqiptare është bërë pjesë e kësaj reviste dhe kjo është Iris Shala nga Prishtina. Vajza me ambicie në fushën e modës dhe të aktrimit është në rrugë të mbarë për synimet që i ka vënë vetes. 23– vjeçarja jeton në Graz në Austrisë, por dëshiron që në të ardhmen të vendoset në Nju Jork për të punuar dhe jetuar. Ka pasur disa eksperienca të suksesshme në aktrim, ndërsa tani dëshiron t’i përkushtohet botës së modelingut. Për herë të parë, ajo flet në një intervistë për “Shekullin” ku tregon rrugën që ka ndjekur dhe dëshirat që ka. Për të siguruar fotot origjinale të botuar në revistën gjermane, gazeta ka komunikuar me menaxheren e komunikimit në këtë revistë, Nina van Splunter. Nëpërmjet postës elektronike ajo na ka siguruar fotot origjinale që i janë shkrepur Irisit. Fotot janë ekskluzive për gazetën ‘Shekulli”.

Iris, na tregoni pak ku jetoni dhe me çfarë merreni aty?

Për momentin jetoj në Graz të Austrisë ku edhe jam duke e ndjekur një shkollim për “personal trajner”. Përpos aktrimit dhe modelimit punoj edhe si “Fitness trajner”, pasi që këtë fushë e dua shumë dhe aty kam eksperiencë të veçantë.

Prej sa kohesh jetoni Graz të Austrisë?

Prej vitit 1999.

Ju jeni e njohur edhe si aktore na tregoni pak për këtë eksperiencë?

Me aktrim fillova të merrem herët, si fillim jam angazhuar pranë Teatrit dhe Operas së Grazit ku prej moshës 10-vjeçare shijova edukimin në baletin klasik dhe baletin modern. Unë kisha talent për vallëzim, ndërsa nuk e njihja ende gjuhën gjermane, gjë që ishte mjaft negative për mua, pasi ende nuk kisha mundësi të shprehesha mirë. Andaj ju përkushtova baletit dhe vallëzimit ku kisha mundësi të tregoj talentin tim, të shprehja performancën stilistike përmes lëvizjeve të trupit edhe pa pasur nevojë të flas. Nga ana tjetër, unë kisha shumë talent edhe për të kënduar, por gjatë daljeve të para në skenë kisha prerje gjunjësh dhe humbje zëri. Aty kuptova që nuk kisha lindur për të kënduar në skenë. Edhe që prej asaj kohe këndoj me shumë pasion, por për.. vete. Pas disa viteve në Austri dhe pasi mora rolin në Telenovelën Gjermane “Anna und die Liebe”, fitova mundësinë e aktrimit të vërtetë, i cili ishte një kënaqësi e veçantë për mua, dhe ku definitivisht vura re se aktrimi është ajo që kam dëshirë të bëj në jetë.

Por së fundi jeni angazhuar edhe në modë. Cila është lidhja juaj me këtë fushë?

Unë që në moshë fare të vogël kisha dëshirë të bëhesha aktore dhe të modeloja. Në shtëpi, por edhe në shkollë organizoja shpesh një lloj sfilate mode. Besoj se isha mjaft e bezdisshme për të afërmit e mi, por unë këtë e doja me shpirt. Suksesi i arritur gjatë konkurrimit për “Austrias Next Top Model” m’i hapi dyert e fushës së modës dhe Fotoshootingut, prej të cilëve kisha për të veçuar atë në Nju Jork me fotografin tonë të famshëm Fadil Berishën. Për fat të keq, nuk kam gjatësinë t’i bëj konkurrencë modeleve me gjatësi mbi 170 cm, kështuqë siç duket nuk jam e lindur për të ecur në sfilata, por kam mundësi dhe talent për foto shooting, pra mund të jem një fotomodele

Ju keni pozuar për revistën Playboy. Si ishte konkurrimi dhe si ju bën të ndiheni ky fakt?

Eksperienca me revistën Playboy ishte shumë e vlefshme dhe më bëri të qartë se çfarë serioziteti punohet në atë revistë. Revista me zgjodhi mua përmes menaxherit tim dhe më kontraktoi për një set fotosh artistik. Gjatë realizimit të fotografive, është punuar me shumë seriozitet dhe revista i respektoi të gjitha dëshirat e mia aq sa, ndërsa unë i shikoj sot fotot e mia te publikuara, mund të them se jam shumë e kënaqur dhe ndihem mirë kur i shoh, pa ndjenjën se është cënuar sfera ime private.

Një vajzë që merr guximin të pozojë në një revistë erotike... cila është sakrifica më e madhe që do të bënit për të ndjekur ëndrrat tuaj?

Në të vërtetë, unë nga të dy prindërit vij nga familje mjaft konservatore dhe akademike. Dhe kuptohet se gjithë kjo që kam arritur deri më tani në fushën e modës dhe modelimit, tani edhe me fotot, nuk kishte përkrahje të plotë nga ana e familjes time. Por unë e doja dhe me kokëfortësinë time ia dola të jem aty ku jam tani. Por me siguri, por ju them me bindje që ende nuk kam mbërritur aty ku dua të jem. Unë çdo herë do të mbes në kufijtë e shijes së mirë, nëse më kuptoni se çka mendoj! Nuk do të më shihni kurrë në ndonjë film apo ndonjë situatë të palakmueshme, atë ua premtoj.

bukuria

I njoh kufijtë e lakuriqësisë

Është kusht pamja për të ecur përpara?

Sipas mendimit tim, pa bukuri natyrale nuk ka sukses në këtë lloj pune. Mirëpo, përpos bukurisë, duhet edhe së paku sharm dhe personalitet. Dhe nëse ka në të një dozë rebelizmi, nuk ju prish punë. Pa këto është vështirë të korrësh sukses.

Ju jeni edhe mbesa e një aktori të madh në Kosovë, na tregoni pak më shumë?

Unë mburrem pa masë me gjyshin tim Abdurrahman Shala. Si aktor dhe regjisor ai ishte një nga krijuesit e filmit kosovar. Gjenet e tij sigurisht që kanë luajtur rol të rëndësishëm në orientimin tim për aktrim. Por edhe familja ime në përgjithësi është e dhënë pas skenës artistike dhe asaj të filmit dhe ky fakt kishte ndikim të veçantë në mua. Duke e njohur mentalitetin shqiptar, por edhe duke pasur parasysh rolet mjaft konservatore të luajtura nga ana e gjyshit tim, besoj se shumë njerëzve fotot e mia në Playboy do të mund t’ju duken si të lira për arsye se tregojnë trupin tim lakuriq. Por për mua dhe për skenën në të cilën unë dëshiroj të depërtoj këto foto shikohen si artistike dhe pjesa lakuriqe ka kufij të qartë të përcaktuara nga unë dhe të respektuara me përpikëri nga ana e revistës serioze Playboy.

Jeni ju në një lidhje dashurie dhe çfarë planesh keni në vazhdim?

Po, jam e dashuruar dhe jam shumë e kënaqur me jetën time private. Plani im në të ardhmen është që të shkoj në Nju Jork e të punoj atje. Unë dua që të punoj si një aktore model, edhe “fitnesstrainer”. Populli shqiptar ishte i pari që më mbështeti mua me komplimentet e mahnitshme. Nuk presja reagime të tilla kaq të bukura.

Irisi në gjurmët e gjyshit të saj, Abdurrahman Shala

Aktorja dhe topmodelja 23 vjeçe, Iris Shala, e lindur në Prishtinë por që jeton në Graz të Austrisë është zgjedhur për “Playmate July 2013, titull që e shpall revista për meshkuj “Playboy”, botimi gjerman për çdo muaj. Irisi është e njohur edhe nga një rol që ka luajtur në serialin e njohur gjerman “Anna und die Liebe” (Ana dhe dashuria). Në Austri ajo ka fituar vendin e tetë në një garë për topmodelen më të mirë. Në intervistat që ka dhënë për mediat e ndryshme austriake dhe gjermane, Irisi thotë se gjithmonë ka pasur një afeksion për aktrimin. Këtë e ka edhe njëfarë trashëgimie, thotë ajo dhe tregon se gjyshi i saj ka qenë Abdurrahman Shala, një aktor i shquar i gjeneratës së parë të aktorëve të teatrit dhe të filmit në Kosovë. Iris është shqiptarja e parë që zgjidhet “Playmate” në revistën e njohur për prezantimin erotik të femrave “Playboy” . Një fjalë e urtë thotë se “dardha bie nën dardhë”! Besojmë se edhe Iris në planin artistik do të eci në gjurmët e gjyshit të saj të famshëm, aktorit të madh kosovar i teatrit dhe filmit, Abdurrahman Shala.

Zemer pse spo i kthen SMS?

Cili është djali që tërheq Albana Osmanin?

“Më pëlqen një djalë. Kaq për momentin”. Kjo është hera e parë që Albana bën një deklaratë të tillë publike në lidhje me jetën e saj private.

Albana Osmani, moderatorja e “Fan’s Club” në “Top Channel”, në profilin e saj në “Facebook” poston vazhdimisht foto në plazh, apo duke luajtur tenis, dhe merr komente të ndryshme nga ndjekësit e saj. Në një nga fotot, një mik i saj e ka pyetur nëse ajo është “single”, pyetje që Albana nuk e ka anashkaluar aspak, por i është përgjigjur në mënyrën e saj ndërsa shprehet: “Më pëlqen një djalë. Kaq për momentin”. Kjo është hera e parë që Albana bën një deklaratë të tillë publike në lidhje me jetën e saj private, të cilën ka preferuar ta mbajë larg medias, pavarësisht ndonjë lajmi që kanë botuar gazetat rozë. Këtë verë, ajo ka qenë e para vajzë e njohur e ekranit që ka postuar një foto në plazh. Nuk është hera e parë që Albana prezanton linjat e saj.

Kampioni i botës në bodybuilding është shqiptar

Djaloshi që shihni në foto është vetëm 25 vjeç dhe është nga qyteti i Ferizajt të Kosovës.

Quhet Besim Trena dhe, pas titullit si nën kampion i Europës në Body building, ai është kurorëzuar disa ditë më parë në Sllovevi në IBFF si kampion i botës. Besimi nuk është vetëm një djalosh me muskuj të zhvilluar, por edhe një djalë simpatik që e duan femrat. Ndërsa kur ne e kemi pyetur se a do të pranonte të martohej me një vajzë me muskuj, ai ka treguar se vajza përkrah tij mund të jetë modele dhe e bukur, por jo e zhvilluar si ai. Ndërsa fiziku i tij ka rënë shumë në sy, menjëherë pas kupës së botës në këtë lloj sporti, saqë ka oferta edhe nga amerikanët për ta pasur sportistin e tyre dhe për ta menaxhuar.

“Mbretëresha” e re e modës (FOTO)

Gjatë vitit 2012, ishte një emër i ri, Kate Upton, ajo që spostoi nga altari i famës së modës të dashurën e Cristiano Ronaldos, rusen Irina Shayk. E ardhur si një prurje e re, 20-vjeçarja njohu suksesin e saj më të madh, duke i rrëmbyer rivales së saj shumë koopertina revistash. Megjithatë, në një botë të etur për fytyra të reja si ajo e modës, edhe mbretërimi i Kate Upton duket se do të jetë i shkurtër.Hannas Davis, e dashura e një prej bejsbollistëve më të famshëm amerikanë, lojtarit të New York Yankees, Derek Jeter, është shndërruar në “magnetin” e ri të vëmendjes së linjave të veshjeve intime. 22-vjeçarja, këtë javë figuroi në koopertinën e “Ocean Drive” dhe kandidohet fuqishëm për t’u shndërruar në vajzën koopertinë edhe të së mirënjohurës “Sports Illustrated” për 2013-n.Në çdo rast, e sigurt është se shkallët e karrierës, për amerikanen Davis janë të gjitha vetëm për t’u ngjitur,transmeton “Tch”.

Sofia e Çanit siç nuk e keni parë kurrë! (FOTO)

Sofia është tashmë vajza që e njohin të gjithë shqiptarët, falë emisonit “Zonë e Lirë” të Arian Çanit. Është ajo, vajza bukuroshe që kujdeset për të ftuarit dhe për shumë detaje të tjera gjatë transemtimit, madje edhe për vetë Çanin. Po këtë herë Sofinë nuk do e shihni duke kryer punën e saj në “Zonë e Lirë”, por tërësisht ndryshe. Ajo shfaqet në plazh në një pamje mjaft ftuese, të cilës çdo mashkull do e kishte vështirë t’ia shqiste sytë.

Aurela Hoxha tregon të pasmet në plazh (FOTO)

Vera është stina më e mirë për të reklamuar trupin, sidomos nëse format janë perfekte. Po Aurela Hoxha është më shumë se kaq. Në këtë foto shihet qartë se ajo jo vetëm është në një formë për tu pasur zili, por madje nuk ka nguruar as të provokojë me veshjet dhe pozat e marra. Duke e parë kështu Aurela na ka lënë pa fjalë, kësaj here me të pasmet e saj, të cilat shumë i kanë krahasuar me ato të Beyonce.

Padia e rrallë: Më “bleu” votën, tani nuk me jep lekët dhe nuk më kthen kartën

Prokuroria e Tiranës ka nisur hetimet për një të ri nga Puka, i cili, një ditë para zgjedhjeve i mori kartën e identitetit një votuesi, duke mos e lejuar që të votonte. Organi i prokurorisë, ditën e djeshme ka nisur hetimet për 21-vjeçarin Bekim Tahiri, nën akuzën e dhënies së shpërblimeve dhe premtimeve, si dhe të pengimit të zgjedhësit për të votuar. Shkak për nisjen e këtyre hetimeve është bërë kallëzimi në polici i 25-vjeçarit Bledar Vani. Ky i fundit, një ditë para zgjedhjeve është paraqitur para forcave të policisë së Komisariatit nr.4 në Tiranë dhe ka ngritur pretendimin se 21-vjeçari nga Puka i ka marrë kartën e identitetit kundrejt një shpërblimi prej 2000 lekësh që të mos votonte ditën e zgjedhjeve. Sipas policisë, Vani ka pohuar në polici se i dyshuari jo vetëm që nuk i ka dhënë lekët, por nuk i ka kthyer as kartën e identitetit. Menjëherë pas kallëzimit blutë e Komisariatit nr.4 kanë bërë të mundur shoqërimin në polici të 21- vjeçarit, ku në cilësinë e provës materiale iu sekuestrua karta e identitetit të Bledar Vanit. Sipas policisë, 25-vjeçari Bledar Vani ka qenë votues i Partisë Socialiste. Ky i fundit ka pohuar se i riu nga Puka nuk e ka lejuar që të votojë për partinë e tij dhe për këtë arsye i ka marrë kartën dhe i ka premtuar shumën e lekëve. 21-vjeçari është shoqëruar në komisariat, ndërkohë që po procedohet në gjendje të lirë dhe ndaj tij ka nisur një hetim edhe nga organi i prokurorisë.

Joana dhe Meti: Ju tregojmë historinë tonë, të bukur (FOTO)

Ai mbahet mend si djalë i bukur dhe i qetë. Meti i “Big Brother 5”, pas eksperiencës së tij në reality show, i është rikthyer jetës dhe punës së tij në Prishtinë. Ka vendosur të qëndrojë larg faqeve të shtypit rozë, duke mos dashur të komentohet për jetën e tij private. Thotë se nuk ka nevojë për këtë pjesë, pasi është përqendruar totalisht në punën e tij. Meti menaxhon një prej clube-ve më në zë të Prishtinës. Së fundmi ai është diskutuar për një lidhje të mundshme me Joanën e “Big Brother 6”. Të vërtetën e këtij lajmi, që çuditi jo pak, ai e zbulon në këtë intervistë. Meti, a është e vërtetë që je lidhur me Joanën? Ne po frekuentohemi me njëri-tjetrin dhe po njihemi gjithmonë e më shumë. Domethënë nuk jeni lidhur ende? (qesh) Do të thotë që jemi duke u njohur dhe e pëlqejmë njëri-tjetrin. Pastaj unë nuk do të doja të jepja intervistë ku të flisja për Joanën, sepse do të duket sikur kërkoj vëmendje, dhe të them të drejtën nuk kam nevojë për një gjë të tillë. Unë kam një punë timen, dhe jam i suksesshëm në punën që bëj. Nuk do të doja të diskutohesha për gjëra të tilla. Edhe marrëdhënien që kam me Joanën, nuk do kisha dëshirë ta diskutoja në media. Të pëlqen Joana si femër? Sigurisht që më pëlqen. Duke u njohur, kemi zbuluar se kemi tipa të njëjtë dhe mendojmë njësoj për shumë gjëra. Kur jeni bashkë, si e kaloni kohën? Kur kam qenë unë në Tiranë, kemi kaluar gjithë ditën bashkë. Kemi shkuar në pishina, kemi dalë mbrëmjeve. Jemi kënaqur vërtet shumë. Edhe Joana ka ardhur në Prishtinë dhe ia kemi kaluar shumë bukur ato ditë. Për lidhjen e saj me Anaidin çfarë mendon? Nuk mendoj asgjë. Nuk e njoh fare Anaidin dhe s’mund të them asgjë për të. Edhe Joanën e kam njohur përmes një shoqeje dhe nuk e kam ndjekur fare në “Big Brother”. Nuk e di se ç’ka bërë ajo në “Big Brother”, unë po e njoh vetë atë nga afër dhe kaq më intereson. Jeni puthur? (qesh). Për këtë duhet të pyesni Joanën. JOANA Joana e “Big Brother 6” vjen me të reja nga jeta e saj profesionale e private. Në këtë intervistë, ajo rrëfen të gjitha planet për punën e ardhshme dhe marrëdhënien e bukur që po lind me Metin e “BB5”. Banorja më e përfolur e edicionit të fundit të “Big Brother”, zbulon edhe një detaj që lidhet me ish-të dashurin e saj, Anaidin. Ai i është gjendur pranë në një moment të vështirë, duke i puthur ballin e duke i shtrënguar dorën kur Joana ndodhej në spital… Joana, me se po merresh këto kohë? Këto kohë jam duke studiuar tregun, sepse në tetor tërheq licencën dhe do hap farmacinë time. Dua të hap një farmaci 24- orëshe në Bllok dhe jam duke u marrë me lidhjet që më duhen për këtë punë. Mjekët, recetat, përqindjet… Për fat kam miq shumë të mirë që po më ndihmojnë. Ti do punosh vetë aty? Domethënë do shesësh ilaçet vetë apo do jesh menaxhere e punës? Unë do jem pronare e farmacisë. Do marr dy-tre punëtore, sepse farmacia do jetë 24-orëshe, pasi kam parë që një e tillë në zonën e Bllokut mungon. Kush do të t’i japë paratë për të hapur farmacinë? Kush investon për të gjitha shpenzimet e tua? Janë prindërit e mi që kanë investuar për mua gjithë jetën dhe vazhdojnë ta bëjnë. Çfarë pune bëjnë prindërit e tu? Mami dhe babi kanë mbaruar shkollën për shefa kuzhine. Të dy punojnë si shefa kuzhine në Greqi. Normalisht që shefat e kuzhinës paguhen mirë në të gjithë botën. Deri atëherë, ke në plan të bësh ndonjë punë tjetër? Për momentin më kanë ofruar punë në një club shumë të njohur në Bllok, që të jem menaxehere dhe PR. Ende nuk kam pranuar dhe jam në mëdyshje, sepse nuk dua ta konsumoj imazhin tim duke punuar nëpër lokale. Por nëse pagesa do të jetë e mirë, mua më intereson. Ndërkohë mbaroj edhe planin e farmacisë… Po pushimet? Këto ditë, ndërkohë që merrem me planin e farmacisë dhe takoj njerëz për këtë punë, edhe pushoj vazhdimisht. Kam bërë pishina, kam qenë në Dhërmi për plazh me miqtë e mi… Vazhdon të jesh po aq e famshme? Njerëzit, reagojnë kur të shohin? Çuditërisht, njerëzit që kanë pasur antipati për mua, të gjithë e kanë kthyer në simpati. Pas deklaratës që bëri Anaidi, të gjithë mbajtën anën time, dhe kjo u kthye në favorin tim. Pas daljes nga “Big Brother”, kam pasur mundësi të takoj njerëz që kishin krijuar antipati për mua gjatë kohës që isha brenda shtëpisë. Një prej tyre ka qenë edhe Olti Curri, i cili ka ndryshuar krejtësisht mendim për mua e tashmë është miku im. Po qarkullon një lajm, sipas të cilit ti po krijon një lidhje me Metin e “BB5”? Si u njohët ju të dy? Meti ka ardhur nga Prishtina në Tiranë për të më njohur. I kishte marrë Viganit numrin tim të telefonit. Ai është mik i ngushtë me Klaudian e “BB5” dhe kur ishin të dy bashkë një ditë, Klaudia më telefonon për të më takuar. Aty më prezantoi edhe me Metin. Kaluam shumë bukur bashkë. Klaudia tashmë është bërë mikeshë e mirë e imja, ndërsa me Metin nisëm të frekuentoheshim për t’u njohur më shumë (qesh). Takoheni shpesh? Ne dalim bashkë e frekuentohemi, por jo shumë shpesh, pasi ai punon gjatë gjithë javës dhe nuk ka shumë kohë. Pastaj është edhe distanca Prishtinë – Tiranë që i vështirëson gjërat. Ne e pyetëm Metin nëse jeni puthur… Ai na tha të të pyesnim ty. A jeni puthur? (qesh) Unë them të pyesni Metin më mirë (qesh). Të pëlqen Meti si mashkull? Çfarë të pëlqen më shumë tek ai? Më pëlqen. Është djalë me shumë humor dhe shumë romantik, kavalier… Çfarë gjesti ka bërë për ty, që të ka mbetur në mendje? Shumë i dashur, më kapte shpesh dorën. Kur ishim në pishina më bënte masazh (qesh). Ne e pëlqejmë njëritjetrin. Para pak kohësh, qarkulloi një tjetër lajm, sipas të cilit ti ishe shtruar në spital. Si është e vërteta? Kam qenë vërtet në spital, pak ditë pas mbarimit të “Big Brother”. Nga stresi i atyre ditëve, nga gjithë gjërat që ndodhën, pësova një si tip atak paniku. Isha rrugës në makinë kur më ndodhi. Pasojë e stresit dhe presionit të madh të kohëve të fundit. Anaidi, të erdhi në spital? Po, erdhi. Foli me doktorët, pyeti për analizat. Me ty si u soll? Çfarë të tha? Më kapi dorën, më puthi në ballë dhe më ftoi për darkë. Je takuar më me të kohët e fundit? Kemi rastisur në të njëjtat ambiente, por unë i bëj dalje. Nuk dua as ta përshëndes.

Postet ministrore, ja disa nga emrat qeverisë së Rilindjes (FOTO-LAJM)

Zbardhen disa detaje në lidhje me ndarjen e posteve ministrore mes Partisë Socialiste dhe Lëvizjes Socialiste për Integrim e cila në qeverinë e re pritet të ketë katër apo pesë portofole. Pjesë e qeveriës së re pritet të jenë edhe aleatë të tjerë të koalicionit opozitar që nuk mundën të marrin mandat me partitë e tyre, si Milo, Gjinushi, Koçi, Muslia etj. Pakti Mësohet se LSI mund të marrë Ministrinë e Integrimit, Ministrinë e Transportit dhe Ministrinë e Arsimit. Por fillimisht kryetarët e dy partive do të bien dakord për një reformë strukturore të qeverisë së re. Pritet që numri i ministrive do të shkojë në 18, duke ndarë disa prej ministrive aktuale, por dhe ngritjen e ministrive të reja. Pritet të ndahet Ministria e Ekonomisë dhe Energjetikës, Ministria e Kulturës, Rinisë dhe Sporteve, por dhe Ministria e Transporteve dhe Punëve Publike. Edi Rama dhe Ilir Meta kanë konfirmuar dje vullnetin e tyre për të ndarë mandatin e deputetit nga detyra ekzekutive e ministrit. Ndarja e mandatit të deputetit nga ajo e ministrit do të sjellë prurje të reja në Kuvendin e Shqipërisë. Për shkak se deputetët që do të pranojnë të bëhen ministra do të duhet të lënë mandatin, atëherë ata do të zëvendësohen me kandidatë që gjenden poshtë listës fituese. Ndarja e pozicioneve ministrore mes forcave të koalicionit gjithmonë shoqërohet me emrat e ministrave. Në selitë e partive, ashtu siç dhe pritej, kanë nisur të qarkullojnë emrat e parë. Vetë socialistët pritet të mbajnë ministri të rëndësishme siç është ajo e Financave, ku emri më i lakuar është ai i deputetit të Dibrës, Shkëlqim Cani. Po kështu pritet që në ekzekutiv të kalojnë dhe dy gra të spikatura për çështje të menaxhimit, Mimi Kodheli dhe Milena Harito. Nga ana tjetër, ministrat e parë që po përfliten në radhët e LSI-së janë Lefter Koka për të qenë në Ministrinë e Transporteve dhe Nasip Naço për të drejtuar Ministrin e Jashtme. Nga ana tjetër, emri i Shezai Rrokajt për të qenë ministri i ri i Arsimit duket se po diskutohet gjerësisht. Por diskutimet për emrat e ministrave të rinj prekin dhe aleatët e tjerë të së majtës. Kreu i Partisë Ligj dhe Drejtësi, Spartak Ngjela ka qenë i pari që përpara fushate ka theksuar se Edi Rama i kishte premtuar se ai do të ishte ministri i ri i Drejtësisë. Por duket se Rama detyrime ka dhe për sa u përket dy aleatëve tradicionalë të tij, siç është Skënder Gjinushi dhe Paskal Milo. Në qeveri pritet të përfaqësohet me ministri dhe Vangjel Dule i cili u bashkua në koalicionin e majtë me Partinë e tij Bashkimi për të Drejtat e Njeriut. Dule pritet të jetë vetë në rolin e ministrit të Punës. Rama ka deklaruar që herët se ministrat e rinj të kabinetit të tij nuk do ta kenë mandatin e deputetit. Më Lartë portali albeu.com ju sjell listën me disa nga kandidatët për ministër ndërkohë që diskutimet për plotësimin e posteve ministrore vijojnë.

Super vargje vajtimi per Berishen!

Krenohet Tropoja që t’ka djalë… krenohet Kukësi që nuk të luajti n’fjale… lum Tropojë e Kukës që t’a ditën t’mirën… mjer shqiptarët që lypën errësirën… Shkodër moj e uruar… kush t’i ndyu ato duar… kush të nxiu faqen ty kush t’i mbylli ato sy… Ti ke ken burrnesh e madhe, ke kalu vujtje dhe halle Ti “Rilindje” ke ba me mot por jo këtë që bane sot. Sot në murin e kalasë lujtën paret e dynjasë para t’pista, para t’vorrit që i more prej dorës t’horrit. Kush i mori ato pare s’ka burrni e nuk ka marre se nuk shitet dinjiteti për karrige të nji shteti… Ah moj Shkodër, Shkodër moj, kush kaq bukur të mashtroj ah moj Shkodër, Shkodër moj, fisnikëria sot mbaroj…

Ja cfarë turpi i ndodhi babait me vajzën e tij në internet (Video)

ndodhit e internetit nuk kan kufi shiko se cfar ndodh mes babit dhe vajzes

‘Sje i pari’ Adelina Tahiri rrëfehet (VIDEO)

Në periudhën e verës nuk janë të paktë klipet e artistëve shqiptarë. Një prej të cilëve është klipi më i ri i këngëtares Adelina Tahiri. Publikimin e kësaj kënge të re Adelina e ka bërë të ditur nëpërmjet rrjetit të saj social “Twitter”. Ajo ka shkruar në faqen e saj: “Sonte klipi më i ri dhe kënga 100% hit… “Sje i pari”. Sakaq, videoja është hedhur në Youtube dhe pret vëmendjen e publikut.

(VIDEO) – Përlotet stafi i Berishës

Deklarata e kryeministritBerisha për dorëheqjen nga postet që ai mbante në PartinëDemokratike nuk ka përlotur vetëm mbështetësit e tij por edhe stafin e ngushtë me të cilin ai ka bashkëpunuar gjatë këtyre viteve qeverisjeje. Zëdhënësja e KryeministritBerisha Erla Mëhilli, e cila ka qëndruar edhe më afër liderit të PD-së, ishte ajo e cila u përlot më shumë në momentin kur kryeministri gjatë një deklarate nga selia blu deklaroi se për këtë humbje kishte vetëm një përgjegjës dhe ai ishte Sali Berisha. Lotë ka pasur edhe ne sytë e dy zëdhënëseve të tjera të Partisë DemokratikeSilvi Bardhi dhe Laura Vorpsi. Kreu i PD-së duke bërë një panoramë të arritjeve të qeverisë vlerësoi edhe ndihmën e bashkëpunëtorëve të tij.

19-vjeçari i prekur nga leucemia kërkon ndihmë (video)

Një 19-vjeçar nga Vlora rrezikon jetën për shkak se është prekur nga leucemia. Erblin Micaj është diagnostifikuar me leucemi akute dhe e vetmja mundësi që të jetojë është ndërhyrja për të kryer transplant të palcës kurrizore dhe transplant total të gjakut. Doktorët në Shqipëri nuk mund të bënin asgjë për të, por prej disa ditësh ka mbërritur në Greqi, ku ka shansin të marrë kimioterapi. Familja dhe miqtë e tij, po mbledhin para për të mbuluar shpenzimet. Ka ende një javë kohë për të mbledhur shumën prej 500 mijë euro. Nëse mendoni se nuk keni mjaftueshëm për të dhuruar, mos harroni se mjafton një 1 euro nga secili prej nesh që 19-vjeçari të mbijetojë.

Lamtumirë kryeministër Berisha. Poezi ngs Agim Gashi

LAMTUMIRË KRYEMINISTER SALI BERISHA
(Kushtuar Kryeministrit Sali Berisha që në mënyrë dinjitoze pranoi humbjen e garave të zgjedhjeve dhe dorheqjen e tij pas 23 vjet në bërjen e Shqipërisë-Shqipëri)

PO fliste Berisha, pranonte gabimin,
Përulej para popullit e para atdheut,
Rridhnin kokrra loti, të pastër si bilur,
Ke hy në histori i dashur, sdo të dalësh kurrë.

Fliste Berisha, populli brohorit,
Nën udhëheqjen tënde Shqipëria ka ndritë,
I hoqe feneret, solle kohë të re,
Të rrallët janë si ti, që shkrihen për atdhe.

I ndertove rrugët n´themele të Shqipërisë,
Ndihmove Kosovën drejtë Pavarsisë,
Në mesin e shqiptarëve, tradhëtar të thanë,
Andaj dhe Azemin barbarisht ta vranë.

Po fliste Berisha e populli po qante,
Ndërsa në anën tjeter një katil po shante,
Derisa pranonte, humbjen burrërisht,
Disa kundershtarëve mbrapa u dilte bisht.

Po fliste Berisha, trimi i dhjetorit,
Sikur në nantdheten i thoshte Shqipërisë,
T´bashkohemi vllazënisht, para të marshojmë
Vetëm drejt Evropës është rruga e lirisë

Akoma je ndër ne, sa shumë të do Kosova,
Shumë mësime more, nga IbrahimRugova,
Pusho tani i dashur, pusho në Shqipni,
Akoma jemi gjallë dhe jemi me Ty.

Këta rreshta fjalësh si falenderim,
Po ti fail Ty Kryeminstri im,
Larg e shumë larg, nga mërgimi i zi
Gjithmonë në dhena t´hueja, me mendje n´Shqipni!

“Sekretet e Berishës”/ Këshilltari: Ja çfarë më tha Berisha pas humbjes

Me një shkrim në profilin e tij në facebook këshilltari i Berishës tregon orët e fundit të këtij njeriu “legjendë” për PD. Ja se çafrë shkruan konkretisht Ilir Kadia për Berishën: “Dje në mesditë, pasi dola nga zyra e Kryeministrit Berisha i thashë kolegut tim Ylli Asllani se do të nxitoja të botoja në “Facebook” në shenjë mirënjohje ndaj Kryeministrit Berisha për përkushtimin në punët e tij të bukura për Shqipërinë, ku unë isha dëshmitar dhe e ndihmova sa munda, një foto të përbashkët. E shoqërova foton me të me një dedikim. Thashë se jam krenar që për afër dy vjet e ndihmova në punët e bukura për Shqipërinë, Njeriun e Mirë, Intelektualin e shquar dhe Shqiptarin e Madh, Sali Berisha! Ngela pa mend nga reagimi. Qindra miq e të panjohur, demokratë e socialistë nga Kosova Maqedonia dhe gjithë bota i bënë “like” dhe e mbushën me komente statusin dhe foton me Berishën. Unë kam vite që operoj në “Facebook” dhe ata që kam miq e dinë se i marr ca “like” edhe për statusin më tip koti si “I Marri” i shpallur me kohë, por më besoni nuk e prisja atë numër. Nuk ishte për mua, shumica dërrmuese ishte për Berishën. Ishte dita që ai po merrte lajmin më të keq të jetës: Humbjen me përmasa të jashtëzakonshme në zgjedhje dhe njerëzit po i thoshin me ato pëlqime se ai nuk e meritonte këtë humbje dhe se ata e vlerësonin me fjalët e mia, por edhe me më shume akoma. Do të dëshmoj më pas edhe për “sekretin” e ditës së parë të humbjes së tij, por do të kthehem edhe njëherë tek statusi në “Facebook” kur dikush shpotiti, nuk flas për atë që lehu, se në çfarë punësh të bukura e paskësha ndihmuar unë Berishën, nëse nuk ishte sekret?! Nuk do t’i përgjigjesha tani sikur, shih, Berisha vetë e paska thyer heshtjen e paszgjedhjeve dhe paska futur në “Facebook” reagimin e tij se gazsjellësi TAP qenka shpallur fitues. “Kjo është një fitore për gjithë shqiptarët!” – shkruan Berisha. Kaq?! Por jo o njeri, jo! Ti duhet t’u bësh thirrje tani gjithë shqiptarëve me çfarëdo flamuri partie që kanë qejf të dalin në sheshet e Shqipërisë dhe të gëzojnë! T’i valëvisin e të gëzojnë deri pas mesnatë! Jo vetëm se do të futen në punë afër 20 mijë syresh, por gazifikimi i Shqipërisë është më i forti zhvillim në jetën e përditshme të vendit, se pas ca vitesh shqiptari do të jetojë si jeton sot anglezi dhe francezi. Nuk do t’i bërtasë gruas dhe fëmijës as në Tiranë, as në Shkodër, as në Tepelenë: “Mbylle derën” kur mes dimrit ta lërë derën hapur se nuk do e trembë, por do e shikojë shpërfillës faturën e energjisë dhe xhamat do t’i shkrijnë nga avulli. E do të vazhdojë i qetë të pijë gotën e verës se kuqe me verë nga serat me ngrohje gazi edhe të Kukësit, edhe të Korçës edhe të Librazhdit. Por ti nuk do ta bësh këtë thirrje Kryeministri Berisha (të mbeti ky emër edhe pas dorëheqjes, kështu do të të thërrasin përherë shqiptarët). Nuk do ta bësh, se nuk do tua prishje gazin fituesve, për mua të rremë, të zgjedhjeve. Në vendin tënd ka rrezik ta bëjnë kryeministrat e Malit të zi, Kroacisë, Serbisë, Bosnjë-Hercegovinës. Mbaje mend! Dhe meqë përmenda zgjedhjet, t’i kthehem ditës se djeshme të takimit me Berishën pas votimit. Bashke me Yllin ishte edhe Mirela Tabaku e shëndetësisë, këshilltarja model për nga mirësia. Ishte e mërzitur shumë. Jashtëzakonisht shumë. Në sy loti mund të dilte në çast nga keqardhja që populli nuk të kuptoi. “Edi premtoi gjëra që unë nuk mund t’i premtoja. Nuk mund t’i premtoja shërbimin falas në shëndetësi, as heqjen e taksave për 95 për qind të popullsisë, as t’ua merrja djersën një pale e t’ia shpërndaja një pale tjetër!” – tha Kryeministri. “Si në ‘97-ën që nuk premtuat të njihnit një borxh që nuk e kishit marrë dhe e paguat me humbjen e zgjedhjeve të radhës. Qershor ishte dhe atëherë”- i thashë unë. “Të na vinte njoftimi për TAP-in para zgjedhjeve!”- tha Ylli Asllani. “S’ka gjë, – tha Berisha, – ka rëndësi të vijë, fiton Shqipëria! Unë e bëra atë premtim se e dija që e mbaja!” Dhe mua me erdhi në mendje çfarë pune të jashtëzakonshme ka bërë Berisha në lobomin për TAP-in të cilit unë dy vjet me parë, edhe pse gazetar me dekada vite përvoje në vend, as emrin nuk i dija. Ishim në Podgoricë në vizitë zyrtare. Sa kisha filluar punë si këshilltar për PR-në (në fakt mediat). Takim me kryesorët e Malit të Zi njëri pas tjetrit. Ngri dhe ul në tavoline TAP-in. Berisha rrekej t’u mbushte mendjen malazezëve se kanë rëndësi edhe rrugët mes dy vendeve, edhe zonat turistike të përbashkëta edhe rigjallërimi i hekurudhës, edhe…, por si TAP-i,jo!!!! Igor Luksic, kryeministër i asaj kohe i Malit të Zi, një djalë i arsimuar për ekonomi në SHBA e shihte në sy Berishën si studenti sheh Profesorin! “Po, – tha, – Luksiç, do të shkoj në BE këtë javë dhe do të loboj për TAP-in. Paska kaq leverdi për ne! Patjetër. Por tani le të shkojmë të hamë një peshk nga ai i liqenit dhe të pimë nga një “Vranac” të vjetër 100-vjeçar”. Shyqyr! – thashë unë. Më hahej aq shumë. Prisja që në dreke kur të flitej për sport, muzike apo edhe balerina e këngëtarë “crnogorase” të kisha edhe unë shans të hapja gojë e të beja kompetentin. U futem në sallën e vogël të drekës, ngritëm gotat, bëmë “gëzuar dhe “zhiveli”, gëlltitem gjithë qejf, sipas qejfit, verën e kuqe dhe… “Shiko Luksiç, deri në Bosnjë, pale Kroacinë e Serbinë, duhet të përfshimë tregun e gazit kur TAP-i të kalojë nga Shqipëria”. “Po ky more! Na lër o njeri të hamë një kafshore bukë, se na vdiqe!”- thashë me vete për Kryeministrin Berisha, sigurisht, pa me dëgjuar as vetja, se…jo se s’ma mbante, por nuk kishte kuptim.(Qesh) Por në fakt kur u kthyem, vura vath në vesh se sytë katër për lajmin më të vogël për gazsjellësin TAP. Sa herë kam hyrë duke prishur radhën e kolegëve dhe ministrave mbrapa derës së Kryeministrit Berisha, se “zbuloja” lëvizjen e lajmeve për TAP-in a Nabuco-n! Dhe ja vjen ky lajm, se është përzgjedhur TAP-i për të çuar gazin e Azerbajxhanit në Evropë. Dhe këtë lajm e përhap Berisha ndërsa të gjithë mezi presin të thotë: Humba! Nuk do të hipi prapë në kalë! Nuk do të guxoj! ( As një fije nuk besoj unë!) Dhe gazsjellësi kalon nga Korça e Devolli im, nga Skrapari i kunatit, Fieri i nipit, Vlora e gruas dhe e imja, viset tona që, për mua, gabuan kur votuan aq shumë kundra Kryeministrit Berisha! “Megjithatë, TAP-in e fitoi Shqipëria! – tha Kryeministri i Shqipërisë Sali Berisha. E unë si?! Të mos jem krenar që e ndihmova në këtë punë të bukur për vendin?! Çfarë thua mor mik?! Gjithë jetën!”.

Le t'i urojme PD nje fillim te ri te fuqishem! PERPARA!

“Të dashur demokrate dhe demokratë, qytetare dhe qytetarë, mbështetës të Partisë Demokratike, shqiptare dhe shqiptarë në Shqipëri edhe kudo që jeni, Sot jam para jush për një mesazh, por dua të theksoj një mesazh pak të vonuar, për faktin e vetëm se kam dashur të respektoj punën me vetëmohim të madh të komisionerëve tanë në numërimin e votave, proces i cili po shkon në kutitë e fundit. Më së pari, më lejoni të shpreh mirënjohjen time të pakufishme ndaj qindra mijëra qytetarëve shqiptarë, të reja dhe të rinj, burra dhe gra, fëmijë dhe të moshuar, që më shoqëruan mua nga Koshovica në Tropojë, me mikpritjen më të çiltër, më fisnike, më entuziaste që kam provuar ndonjëherë. Në shi dhe rrebesh, në vapë dhe pikë të diellit, herët në mëngjes dhe vonë në darkë, ne shtrënguam duart njëri me tjetrin, shkëmbyem mendime, ndoqën me vëmendje alternativën tonë, brohoritën me entuziazëm në mitingjet tona dhe më bënë mua si dhuratën më të çmuar fushatën elektorale më të pasur, ndofta më të bukurën e më masive të jetës sime. Unë personalisht, njëlloj si ata, jam përpjekur të bëjë më të mirën. Kam punuar me energji, përkushtim dhe entuziazëm, edhe më të madh se në shumë fushata të tjera. Por unë sot dua të përulem me nderimin më të madh para militantëve, anëtarëve të thjeshtë të Partisë Demokratike për sakrificën e mundin, djersën e tyre në këtë fushatë dhe në të gjitha fushatat. Ata janë energjia e pashtershme e Partisë Demokratike dhe të gjitha betejave të saj. Shfrytëzoj rastin të falënderoj përzemërsisht kandidatët për deputetë të Partisë Demokratike, shtabet e tyre elektorale, komisionerët tanë për përkushtimin e tyre të madh në këto zgjedhje. Dua të falënderoj me shumë mirënjohje të gjithë qytetarët shqiptarë që në këto zgjedhje votuan për Partinë Demokratike, kandidatët e saj, vendosën besimin e tyre tek Partia Demokratike dhe Sali Berisha, si dhe çdo shqiptare dhe shqiptar që mori pjesë në këto zgjedhje, duke nderuar me votën e tij sistemin tonë pluralist. Të dashur demokrate dhe demokratë, qytetare dhe qytetarë që keni mbështetur edhe mbështesni Partinë Demokratike, Unë e di se sot, të gjithë ju, ndiqni jo pa trishtim këtë fjalën time. Dhe kjo është e ligjshme, sepse ju, me të drejtë, prisnit dhe meritonit sot një fjalë tjetër nga unë. Por unë jam këtu, para jush, jo për të komunikuar rezultatin e zgjedhjeve, sepse ai tashmë është i qartë për çdo njeri dhe, natyrisht, i pranuar nga unë edhe Partia Demokratike, por jam para jush për t’ju njohur ju me një vendim tim. Në karrierën time politike më shumë se dy dekada, unë në çdo pozicion që kam patur, e kam ndjerë veten si shërbëtor i juaj dhe vendit tim edhe e kam konsideruar këtë privilegjin më të madh të jetës sime. Kam bërë gjithçka të përmbush me përkushtim, nder dhe dinjitet detyrimet e mija ndaj jush, duke qenë gjithnjë i vendosur se do të largohesha nga postet e mia ditën e parë që unë të konstatoja se arsyet shëndetësore nuk do të më lejonin të përmbush detyrimet ndaj jush. Lavdi Zotit, kjo nuk ndodhi. Energjitë e mia sot janë po ato që kam patur 20 vjet më parë. Por përveç kësaj, unë gjithnjë kam qenë i vendosur t’i bindem plotësisht verdiktit të sovranit, i cili foli qartë në këto zgjedhje. Unë u përkas atyre politikanëve që besojnë se ai nuk gabon, që beson se ai ka gjithnjë të drejtë. Në këto zgjedhje ne paraqitëm para qytetarëve shqiptarë një program konkret për finalizimin e projektit: Shqipëria vend i zhvilluar, rritjen e rrogave dhe pensioneve, krijimin e mbi 200 mijë vendeve të punës, punësimin me përparësi të të rinjve, mbështetje të fuqishme për bizneset dhe fermerët, integrimin e Shqipërisë në Bashkimin Evropian. Mirëpo, qytetarët votuan në shumicë projektin e kundërshtarit tonë, të bazuar në premtimet që ne nuk mund ti bënim si: shërbimet shëndetësore falas për të gjithë, heqjen e taksës së biznesit të vogël dhe TVSH-së për ushqimet dhe uljen e taksave për 95 përqind të qytetarëve. Këto premtime ne nuk mund t’i bënim, sepse ato bien ndesh me filozofinë dhe parimet që ne besojmë, bien ndesh me konkurrencën e ndershme, me lirinë ekonomike, me barazinë sociale. Me këtë rast, duke pranuar rezultatin e zgjedhjeve, i uroj kundërshtarit, fituesit të zgjedhjeve mbarësi në detyrën e tij të lartë dhe uroj që qytetarët shqiptarë të gëzojnë një jetë gjithnjë e më të mirë. Miqtë e mi, në këtë fushatë ju keni punuar fort, me sakrifica dhe përkushtim të madh. Sikundër unë jam përpjekur me mish e shpirt të bëj më të mirën për fitoren tonë. Por kjo nuk ndodhi. Ne i humbëm këto zgjedhje dhe besomëni mua, se për këtë humbje e tërë përgjegjësia bie vetëm mbi një njeri, vetëm mbi mua, Sali Berishën. Kështu që, duke marrë gjithë përgjegjësitë që vërtetë më takojnë, në një vendim të prerë, kam vendosur të jap dorëheqjen nga të gjitha funksionet e mia në forumet e Partisë Demokratike, të jem thjeshtë njëri prej jush, anëtar i i PD-së dhe deputet i saj, të punojë me përkushtim të madh së bashku me ju dhe lidershipin e ri, për të mbrojtur dhe promovuar si opozitë, vlerat dhe parimet themelore të programit tonë, për ta shndërruar atë përsëri në një program të shumicës së shqiptarëve. Ndaj dhe ju lutem të mos gaboni të merrni apo të konsideroni këtë fjalë si një fjalim lamtumire. I tillë ky nuk është. Madje nga unë, Partia Demokratike, anëtarët dhe mbështetësit e saj nuk do të dëgjojnë ndonjëherë fjalim lamtumire për faktin e thjeshtë, se ai do të ishte një fjalim të cilin unë s’do mund ta lexoja kurrë. Të dashur demokrate dhe demokratë, qytetare dhe qytetarë, mbështetës të Partisë Demokratike, Sot ju jeni mërzitur dhe ne vërtetë kemi humbur një betejë, por alternanca e pushtetit me votën e lirë është parimi themelor i demokracisë që ne çmojmë më shumë, parimi që ne sollëm në Shqipëri me themelimin e Partisë Demokratike. Alternanca është jetike për demokracinë. Ndaj dhe sot, si pushtet moral i këtij vendi është e domosdoshme të qëndrojmë më të vendosur, më të bashkuar se kurrë, të vazhdojmë luftën. Detyra shumë të mëdha na presin për të ta shndërruar çështjen tonë të drejtë në çështje të shumicës së shqiptarëve. Gjithë jetën time politike edhe në këto momente të veçanta, jam ndjerë dhe ndjehem i frymëzuar edhe krenar me secilin prej jush, me Partinë Demokratike, forcën tonë politike që pata fatin e madh që ju të më besoni drejtimin e saj për 22 vjet. Ne jemi e do të jemi krenarë, sepse së bashku, me kurajë, guxim dhe vendosmëri themeluam në kushtet e terrorit të egër komunist Partinë Demokratike si partinë e parë opozitare, si partinë e ëndrrave më të bukura të shqiptarëve, të vlerave dhe lirive themelore të njeriut dhe shoqërisë, interesit kombëtar dhe vokacionit perëndimor të kombit shqiptar. Demokrate dhe demokratë, mbështetës të Partisë Demokratike, qytetarë shqiptarë, Ne jemi dhe do mbetemi përjetë krenarë për gjithçka kemi bërë dhe do të vazhdojmë të bëjmë për lirinë dhe dinjitetin e qytetarëve shqiptarë. Ne jemi dhe do të jemi krenarë, sepse bëmë realitet, bëmë të vërtetë ëndrrën më të bukur të njeriut - ëndrrën e lirisë për shqiptarët dhe dinjitetit të tyre njerëzor, sanksionuam, me ardhjen tonë në pushtet, me ligje kushtetuese, lirinë e mendimit dhe shprehjes së tij, lirinë e besimit dhe të gjitha liritë themelore të njeriut. Ne u kemi faktuar shqiptarëve se liritë dhe të drejtat njerëzore janë gjithnjë pasioni ynë, kryefjala e axhendës sonë. Sot shqiptarët janë më të lirë se kurrë më parë në fjalën e tyre, iniciativën e tyre, besimet e tyre fetare, lëvizjen e tyre. Ne jemi dhe do mbetemi gjithnjë krenarë, sepse në javën e parë të themelimit tonë shpallëm botërisht se lira kombëtare e shqiptarëve në Kosovë dhe kudo që jetojnë do të ishte ylli ynë polar. Dhe në një kohë të shkurtër ne arritëm ta vendosim çështjen e lirisë së shqiptarëve në Kosovë në axhendën e kancelarive, samiteve, të organizatave më të fuqishme të botës dhe më pas ne, bazuar në parimin një komb një qëndrim, mbështetëm me të gjithë mundësitë tona luftën çlirimtare heroike të shqiptarëve në Kosovë dhe më vonë në Maqedoni. Në këto vite ne mbështetëm fuqishëm pavarësinë dhe njohjet ndërkombëtare të Kosovës. Koha është tani për pavarësinë e Kosovës -do të shpallte në Tiranë, në qershor të vitit 2007, në vizitën e tij historike në Shqipëri, Presidenti i SHBA-ve Xhorxh W. Bush. Të dashur demokrate dhe demokratë, qytetare dhe qytetarë, mbështetës të Partisë Demokratike, Ne të gjithë së bashku duhet të jemi krenarë me PD. Sot ajo është e aderuar në EPP, EDU, CDIU, organizata politike të Qendrës së Djathtë më të mëdha në botë. Shqipërinë, vendin më të izoluar të planetit, e lidhëm në partneritet dhe miqësi me vendet dhe kombet më të mëdha, Shtetet e Bashkuara të Amerikës, vende të rajonit dhe vende në Evropës dhe botës. Partia Demokratike, si parti e vokacionit perëndimor të kombit shqiptar dhe ne të gjithë së bashku bëmë të vërtetë ëndrrën e shqiptarëve për anëtarësimin e vendit në KE, të nënshkrimit të Marrëveshjes së Stabilizim Associimit në BE, të anëtarësimit të Shqipërisë në NATO, të lëvizjes së lirë pa viza të qytetarëve shqiptarë në Evropë dhe së fundi, të rekomandimit për statusin e vendit kandidat. Ne sot, të gjithë themelues, anëtarë, militantë dhe mbështetës të Partisë Demokratike jemi dhe do mbetemi gjithnjë krenarë, sepse ne, në vendin e diktaturës dhe hiperkolektivizmit më të egër në Evropë, hodhëm themelet dhe konsoliduam në Shqipëri sistemin demokratik, bazuar në liritë dhe të drejtat themelore të njeriut, shtetin ligjor, pronën private dhe ekonominë e lirë të tregut dhe falë reformave tona, bazuar në lirinë ekonomike, shqiptarët me iniciativën e tyre të lirë dhe solidaritetin ndërkombëtar bënë që në këto 21 vite, Shqipëria si asnjë vend tjetër, të rrisë me 11 herë Prodhimit të saj të Brendshëm. Ne sot, të gjithë së bashku, duhet të ndjehemi krenarë me Partinë Demokratike, sepse ne pasi humbëm pushtetin për shkak të skemave piramidale në vitin ’97, ndërtuam opozitën e fuqishme shqiptare, qëndruam dhe rezistuam si opozitë e pamposhtur dhe në vitin 2005 përzumë nga pushteti me votën e shqiptarëve, në zgjedhje jo të lira e të ndershme, ata që erdhën me dhunë në pushtet. Zonja dhe zotërinj, demokrate dhe demokratë, qytetare dhe qytetarë shqiptarë, mbështetës të Partisë Demokratike, Me rikthimin tonë në pushtet në vitin 2005 një ëndërr tjetër e madhe e mbarë shqiptarëve duhej të bëhej realitet dhe kjo ishte ëndrra e Shqipërisë së zhvilluar, Shqipërisë Evropiane. Por, kjo mjerisht duhet të startonte në një kohë kur shqiptarëve u mungonin për shumë e shumë orë në ditë dritat, uji, kur rrogat dhe pensionet e tyre ishin të ulëta, qesharake, kur fëmijët e tyre mësonin në shkolla të rrënuara dhe me 50 nxënës në klasa, kur udhëtonin në rrugët, ndofta më të shkatërruara të kësaj toke dhe kur çdo vit zhdukeshin vetëm në taksa dhe tatime mbi 1,4 miliard dollarë nga zyrtarët e korruptuar. Detyra ishte shumë e vështirë. Shqipërisë pothuajse askush nuk i besonte. Por ne ishim burrat dhe gratë e guximit. Në këto dy mandate ne bëmë të vërtetë ëndrrën e shqiptarëve për të patur rrugë, drita, shkolla, ujë pothuajse afërsisht si vendet e zhvilluara. Ne ndërtuam rrugën e Kombit që bashkoi shqiptarët, ndërtuam rrugën Tiranë-Elbasan që bashkoi kryeqytetin me Elbasanin, ndërtuam gjysmën e rrugës së Arbrit, segmentin më të vështirë të Boshtit të Jugut dhe do ta ndërtojmë atë në mandatin e ardhshëm. Ne ndërtuam mbi 10 mijë kilometër rrugë nga jugu në veri, nga lindja në perëndim. Ne besojmë se aty ku jetojnë shqiptarë duhet të kenë rrugë dhe infrastrukturë modern dhe i sigurojmë ata se me mandatin tonë tjetër do ta bëjmë realitet këtë projekt. Ne duhet të jemi krenarë sot me Partinë Demokratike, sepse për të bërë të vërtetë ëndrrën e Shqipërisë së zhvilluar të qytetarëve shqiptarë, ne ndërtuam në mbarë vendin qindra ujësjellës dhe sisteme kanalizimi, një seri sistemesh të pastrimit të ujërave të ndotura dhe natyrisht mbetet ende shumë punë për të bërë. Por, në mandatin tonë të ri ne do ta bëjmë Shqipërinë me infrastrukturë ujore më moderne që ekziston. Shqipëria - vend i zhvilluar, për ne ishte dhe është para së gjithash Shqipëria e dijes. Për të arritur këtë objektiv ne mbi dyfishuam rrogat e mësuesve, ndërtuam dhe rindërtuam mbi 1300 shkolla fillore, nëntëvjeçare, të mesme, korpuse universitare. Ne sot, njëlloj si vendet e zhvilluara, kemi shtrirë internetin në çdo shkollë, nga vetëm 45 shkolla që kishin internet dhe nga vetëm 700 kompjuter që ishin shkollat tona pak vjet më parë, sot kanë mbi 24.500. Shqipëria ka arritur nivelin e vendeve të zhvilluara për studentë për 1000 banorë dhe përqindjen e nxënësve që ndjekin shkollat e mesme. Cilësia e sistemit tonë arsimor do të mbetet gjithnjë përparësi madhore e programit tonë. Në përpjekjen tonë për shndërrimin në të vërtetë të ëndrrës së Shqipërisë së zhvilluar të qytetarëve shqiptarë, ne duhet të jemi krenarë, sepse sot, disa nga treguesit e zhvillimit njerëzor të shqiptarëve si: vdekshmëria foshnjore, ajo amtare dhe e përgjithshme, janë në nivelin e disa vendeve të zhvilluara dhe shumë të zhvilluara. Po kështu, qytetarët tanë në jetëgjatësinë nga lindja, por dhe në shtëpi banimi për 1000 banorë, jetojnë më gjatë dhe strehohen më mirë se sa qytetarët e disa vendeve të zhvilluara. Në këto pak vite, ne kemi ndërtuar mbi 400 qendra shëndetësore dhe spitale moderne, reforma e plotë e sistemit shëndetësor ishte drejt përfundimit. Në mandatin e ardhshëm do ta përfundojmë atë. Demokrate dhe demokratë, qytetare dhe qytetarë shqiptarë, mbështetës Partinë Demokratike, Këto vite të qeverisjes sonë ishin vitet e krizës më të thellë për ekonomitë e vendeve evropiane dhe ato të rajonit tonë. Mendoj se, të gjithë së bashku, duhet të jemi dhe mbetemi krenarë, sepse ekonomia shqiptare është nga më të paktat në Evropë, e cila falë reformave tona të bazuara në lirinë ekonomike, i rezistoi krizës, mbajti rritjen ekonomike dhe vazhdoi edhe vitin që kaloi të krijojë dhjetëra mijëra vende të reja pune. Ne ia dolëm me taksën e sheshtë dhe reforma të tjera të thella në këto pak vite që Shqipërinë, e cila para vitit 2005 kishte marrë mesatarisht vetëm 38 milion dollarë në vit investime të huaja, ta rendisim mbi nivelin e disa vendeve të zhvilluara për lirinë fiskale, të bëjmë që të jetë i vetmi vend në rajon në të cilin eksportet të trefishohen dhe të renditet e 18-ta për thithjen e investimeve të huaja. Në katër vitet e fundit ajo mori mbi 4,2 miliard dollarë dhe papunësia edhe vitin e kaluar u ul nga 13,2 në 12,8%. Në përpjekjen tonë për realizimin e ëndrrës së shqiptarëve për Shqipërinë vend i zhvilluar, ne vendosëm energjinë në epiqendër të këtij projekti të madh. Sot në Shqipëri janë ndërtuar apo janë në ndërtim e sipër mbi 130 HEC-e, ndër të cilat Kaskada e Devollit që po ndërtohet nga Shtatkraft e Norvegjisë, numri një në botë për ndërtimin e HEC-eve. Këto ditë Konsorciumi i Shah Denis 2 vendosi për TAP-in. Ne kemi bërë gjithçka, kemi lobuar fuqishëm, kemi përmbushur çdo detyrim që rrjedh në kërkesat e marrëveshjet me konsorciumin dhe palët e tjera, vendet partnere dhe mike për të favorizuar vendimin në favor të tij. Dhe unë sot njoftoj shqiptarët se TAP-i fitoi. Duke shprehur mirënjohjen më të thellë, qeverisë së Azerbajxhanit dhe Konsorciumit të Shah Deniz 2, theksoj për të gjithë shqiptarët, por për ju demokratet dhe demokratët se kjo është një arritje historike e jona. Me përfundimin e TAP në 4-5 vitet që vijnë, Shqipëria zgjidh në mënyrë përfundimtare problemet e energjisë. Shqipëria vend i zhvilluar është një ëndërr e mrekullueshme që do bëhet e vërtet edhe me zhvillimin e Shqipërisë rurale. Ne së bashku duhet të ndjehemi krenarë sepse, në një hark kohor të shkurtër, ne ndërtuam në Shqipërinë rurale mbi 8 mijë km rrugë, mbi 1000 shkolla, qindra ujësjellës e kanalizime, sisteme kullimi e vaditje. Me 45 mijë projekte që mbështetëm, me projektet kombëtare të ullirit dhe arroreve edhe projektet e tjera, ne kemi bërë të mundur të katërfishohet toka e punuar në fshatin shqiptar dhe të mbillen miliona e miliona ullinj e dru të tjerë frutorë. Shqipëria – kopshti i Evropës Juglindore është dhe do të mbetet projekti ynë. Ne duhet të jemi krenarë se, Shqipëria – e bukura e dheut, që pak vite më pare nuk ekzistonte në hartën turistike të rajonit dhe botës, renditet sot në 10 vendet me rritjen më të shpejtë të turizmit në planetin tonë. Me projektin tonë Shqipëria - vend i zhvilluar, ju duhet të jeni krenarë se ne ia dolëm në një hark kohor të shkurtër, që vendi me penetrimin ndër më të ultët në botë të internetit, vetëm 4,8% dhe telefonisë celulare me vetëm 38%, të ketë sot përdorimin e internetit mbi 60% dhe të telefonisë celulare 186% edhe me çmime 3-5 më të ulëta. Shqipëria dixhitale ishte ëndrra e të rinjve shqiptarë. Sot ata komunikojnë në Facebook më shumë se të rinjtë e disa vendeve të zhvilluara. Demokrate dhe demokratë, Qytetare dhe qytetarë shqiptarë, mbështetës të Partisë Demokratike, Vitin që kaloi ne patëm fatin e madh të qeverisim Shqipërinë në 100-vjetorin e lindjes saj. Ne duhet të ndjehemi krenarë se me të gjithë shqiptarët nga Shqipëria, trojet e tyre etnike dhe mbarë bota, si dhe me miqtë tanë në të katër anët e planetit, festuam në mënyrën më dinjitoze, më të bukur, ditëlindjen e dheut tonë dhe bëmë që historia e falsifikuar dhe e ndaluar e shqiptarëve të dalë në dritë edhe të bëhet pjesë e pandarë e krenarisë sonë kombëtare. Miqtë e mi, demokrate e demokratë, qytetarë shqiptarë, mbështetës të PD, Vetëm pak vite më parë, ora evropiane dhe euroatlantike e Shqipërisë ishte pothuaj e ndaluar. Ne sot dhe gjithnjë duhet të jemi krenarë se, së bashku ndërmorëm reformat më të thella e më të gjithanshme, konsoliduam shtetin ligjor, zhvilluam zgjedhje të lira dhe të ndershme, firmosëm dhe zbatuam Marrëveshjen e Stabilizim Asocimit, anëtarësuam Shqipërinë në NATO, merituam dhe arritëm heqjen e vizave me BE, merituam rekomandimin për statusin e vendit kandidat, nisëm punën serioze për liberalizimin e vizave me SHBA-në. Ne jemi, kemi qenë dhe mbetemi garant të shndërrimit në realitet të ëndrrës evropiane dhe euroatlantike të shqiptarëve. Pra, edhe në këto dy mandate, ne kemi folur me vepra të cilat kanë krijuar një Shqipëri tjetër, ndërtimin e të cilës ne do jemi të gatshëm në çdo kohë ta vazhdojmë. Ato janë vepra që kanë ndryshuar përgjithmonë historinë, por edhe gjeografinë e Shqipërisë, janë dhe mbeten përjetë monumente të shqiptarëve të lirë. Natyrisht, nuk janë arritjet tona ato për të cilat më 23 qershor nuk na votuan në mazhorancë shqiptarët. Jo, sepse këto arritje për çdo shqiptar, unë jam i sigurt, janë arritje e veçantë. Partia Demokratike si parti e fillimeve të reja dhe ndryshimeve të mëdha do të lexojë me mençuri, me guxim e përulësi mësimin e sovranit në këto zgjedhje. Ajo, përveç trashëgimisë së saj që bën krenar çdo shqiptar, ka në gjirin e saj potenciale dhe vlera njerëzore të pakrahasueshme, ka projekte dhe ide, vlerat dhe parimet e drejta që mbron dhe që do të dijë ndën lidershipin e ri, me një fillim të ri të fuqishëm, të shndërrohet dora –dorës në mazhorancë morale e pastaj zyrtare të vendit tonë. Para se ta mbyll, dua t’u shpreh falënderimet e mia më të përzemërta dhe mirënjohjen më të madhe bashkëpunëtorëve të mi që unë kam pasur në të gjitha detyrat e mia këta 22 vite. Ata janë djem dhe vajza, gra dhe burra të mrekullueshëm, të përgatitur, dinjitozë, kompetentë, të përkushtuar, vetëmohues, me integritet të lartë njerëzor dhe profesional. Bashkëpunimi i shkëlqyer me ta ka qenë dhe do të jetë gjithnjë frymëzues për mua. Dua të shpreh mirënjohje të pakufishme miqve tanë në EPP, Presidentit Martens dhe Kryetarëve të partive simotra në këto organizata për mbështetjen dhe bashkëpunimin e çmuar më Partinë Demokratike. Një mirënjohje të pakufishme miliona e miliona shqiptarëve që këto 22 vite kanë vendosur votën, besimin e tyre mbi mua. Dhe unë çfarëdo që të bëj nuk mund të shpërblej malin e besimit të tyre, veçse i garantoj se do të vazhdoj të bëj gjithçka në mbështetje të interesave dhe aspiratave të tyre fisnike. Gjatë këtyre kohëve, kam marrë dhjetëra mijëra mesazhe në Facebook, sms, në ëhatsapp, nga miq dhe mbështetësit e mi, të cilët më kërkojnë kësaj radhe një gjë që për fatin më të keq e kam të pamundur të heq dorë nga vendimi që unë kam marrë. Por i ftoj të gjithë ata që sëbashku me energji, entuziazëm, vetëmohim dhe përkushtim të vazhdojmë të mbrojmë kauzën tonë, ta bëjmë atë kauzë të zemrave dhe mendjeve të shqiptarëve. Zonja dhe zotërinj, Arritjet e Shqipërisë nën qeverisjen e Partisë Demokratike do kishin qenë të pamundura pa solidaritetin e jashtëzakonshëm ndërkombëtar të kombeve mike dhe institucioneve ndërkombëtare. Ndaj dhe jam sot këtu për tu shprehur atyre mirënjohjen më të thellë për këtë solidaritet të jashtëzakonshëm që u kanë dëshmuar shqiptarëve. Të shpreh në mënyrë të veçantë mirënjohjen time të pakufishme për Shtetet e Bashkuara të Amerikës, aleatit më të madh të lirisë së kombit shqiptar. Do ta mbyll me një mirënjohje të përhershme për Lilin dhe gjithë familjen time, për mbështetjen e tyre të jashtëzakonshme ndaj meje. Së fundi, unë, në përputhje me Kushtetutën e vendit deri në muajin shtator do të vazhdojë të punojë me përkushtim të madh në projektin e Shqipërisë së zhvilluar dhe në përputhje me Statutin e Partisë, do të qëndrojë në timonin e saj për të organizuar zgjedhjen nga anëtarësia e Partisë Demokratike, të lidershipit të ri, të cilin do ta mbështesim të gjithë së bashku dhe të ecim në udhëheqjen e tij drejt fitores së betejës me të afërt që na pret. Përpara! Zoti e bekoftë Partinë Demokratike, anëtarësinë, mbështetësit e saj! Zoti e bekoftë Shqipërinë dhe shqiptarët kudo që janë! Faleminderit!”

Sali Berisha del publikisht pas humbjes, ja cfare thote…

Prime Minister Sali Berisha is expected to resign today, reports Oranews. Right coalition leader, following the declaration of June 23 after the close of the polls, has not made any public appearance pending the outcome. Me poste mund ta sihni…

Ekskluzive, Ilir Meta do i bashkohet prap Berishes!

Nga burime e afërta të Partisë Demokratike, kryetari i LSI-së Ilir Meta ka pranuar që ti marrë 18 deputet nga koalicioni i majtë dhe ti bashkojë me partinë e Berishës nëse pranohet që ai të jetë kryeministër i ardhshëm i Shqipërisë. Thuhet se të Berisha e ka pranuar këtë ofertë me të njejtën ofertë do të jepë dorëheqje nga PD-ja. Pra pritet zyrtarizimi i një koalicioni të ri META – Partia Dekokratike pa Berishën i cili pas humbjes do të tërhiqet nga skena politike./diplomat Analiza e Ahmet Osmanit, e publikuar në Gazetën Ditore një ditë mëparë: PD ben koalicionin qeverises, PS ne opozite, PERSERI…!

Përfundon me barazim gara në Kukës

Përfundon numërimi në qytetin e Kukësit ku dy koaliacionet janë mdarë në barazim sa i përket numrit të deputetëve. Në kampin e majtë një mandat shkon për PS-në, një tjetër për LSI-në. Deri më tani e majta ka fituar në 10 qarqe, ndërsa ka barazuar në dy qarqe, në Dibër dhe në Kukës.

Kinë, videoja tronditëse e vrasjes së një gruaje nga karroca e pazarit

Dritan Prifti tërhiqet nga gara: PS-LSI më vodhën 10 mijë vota

Kandidati i pavarur për deputet në Qarkun e Fierit, Dritan Prifti, është tërhequr nga procesi i numërimit të votimit. Prifti ka thënë se po tërhiqet për shkak të faktit se, sipas tij, PS dhe LSI i kanë vjedhur mbi 10 mijë vota. “Nuk dua të vazhdoj të jem pjesë e një farse. Në Fier komisionerët e PS dhe LSI më kanë vjedhur mbi 10 mijë vota, ndërkohë që votat e deklaruara për mua janë vetëm 6 mijë”, tha Prifti. Ai ka denoncuar Metën se pasi u përpoq të gjente vrasës me pagesë në Mal të Zi për ta ekzekutuar, e ekzekutoi atë politikisht me anë të Edi Ramës. “Një proces kur ka presion mbi votuesit nuk mund të jetë i lirë. Një qeveri e re me Ilir Metën pjesë e qeverisë, nuk do jetë ndryshe nga ajo e Berishës. Jam i kënaqur që Berisha është duke u larguar, por qeveria me Metën nuk do i shërbejë shqiptarëve, por vetëm xhepave të vet”, tha Prifti, duke pohuar se do të kërkojë nga KQZ rinumërim të të gjitha votave në Fier, për të parë që ai nuk ka marrë 6 mijë, por 15-16 mijë votave./b.l

Sali Berisha, largohet nga PD ?

Kryeministri Sali Berisha mund të jetë drejt dorëheqjes nga posti i kryetarit të PD-së që e mban prej 23 vjetësh dhe t’ia lërë drejtimin e partisë Lulëzim Bashës. Hipoteza është krijuar pas zërave për një takim të kreut të qeverisë në ikje në ambientet e Presidencës me kreun e shtetit Bujar Nishani dhe kryetarin e bashkisë së Tiranës, Basha. Ende nuk ka asgjë zyrtare, por nëse kjo ndodh do të kemi, të bëjmë me një veprim moral nga ana e zotit Berisha, i cili megjithatë nuk është i detyruar të japë dorëheqjen. Gjithësesi, nëse ai do të vijojë të qëndrojë në detyrë deri në shtator, kur në Parlament do të votohet qeveria e re, nuk do të mund të firmosë asnjë vendim. Së fundmi kanë qarkulluar zëra edhe për një mbledhje të mundshme të kryesisë së Partisë Demokratike, por gazetarja e TCH pranë selisë blu raporton se gjasat që mbledhja të mbahet në orët e afërta janë të pakta për shkak se anëtarët e kryesisë janë të shpërndarë në rrethe. Mbledhja mund të mbahet në orët e vona të natës, por edhe për këtë ka pak shanse. E sigurt është vetëm se kryeministri Berisha po pret mbylljen përfundimtare të numërimit dhe rezultatet zyrtare. Askush nuk beson për një ndryshim rezultati apo për ndonjë afrim të numrit të mandateve, por duhet pritur. Nga informacionet e fundit mësohet se në selinë e PD mbizotëron heshtja dhe Majlinda Bregu, që deri dje ka kontaktuar me gazetarët, të martën i ka shmangur ata.

'Verdikti 2013', Dritan Prifti tërhiqet nga numërimi: PS-LSI më vodhën 50% të votave

TIRANE- Kush do të fitojë zgjedhjet e 23 Qershorit? Shqipëria ende nuk ka një rezultat përfundimtar të zgjedhjeve të 23 qershorit, pasi ende vazhdon gara dhe numërimi i votave. Por deri më tani duket se harta elektorale ka ndryshuar. E majta kryeson në shkallë vendi, nga jugu në veri ndërkohë që e djathta është fituese vetëm në qarkun e Kukësit. PS-ja kryeson në 11 nga 12 qarqet, respektivisht në Tiranë, Fier, Elbasan, Korçë, Vlorë, Berat, Dibër, Gjirokastër, Shkodër. Të dhënat e fundit të KQZ-së theksojnë se pjesëmarrja në votime në rang vendi është 53.75%. Përfundon numërimi në qarkun e Dibrës dhe Korçës, kryeson e majta. Në të gjithë vendin, janë numëruar 4700 kuti nga 5508 kuti në total, sipas të dhënave zyrtare të KQZ-së. REZULTATE PARAPRAKE Duke iu referuar rezultateve të deritanishme, opozita siguron deri në 83 mandate, ndërsa PD së bashku me aleatët e saj PDIU dhe PR shkon në 56 mandate. Në diskutim janë mandatet e Arben Malajt dhe Dritan Priftit, në Vlorë e Fier. PD duket se ka humbur edhe bastionet e saj tradicionale, siç është Shkodra, ku e majta kryeson me 6 mandate, krahasur me 5 të PD. LSI merr 16 vende në Kuvend, PDIU 3, PR 2, PKD e PBDNJ 1. Agjencia e lajmeve "BalkanWeb" sjell hartën elektorale ku informacioni vjen në kohë reale. Për më tepër klikoni HARTA, REZULTATET ME GRAFIKE SIPAS QARQEVE Ndërkohë, më poshtë sjellim rezultatet e KQZ për koalicionet, e majta, Aleanca për Shqipërinë Europianë (ASHE), Aleanca për Punësim, Mirqenie dhe Integrim (AMPI), partitë e reja Fryma e Re Demokratike (FRD) Aleanca Kuq e Zi (AK). Çdo shifër ndryshohet minutë pas minute me të rejat më të fundit. Të dhënat e fundit sipas Komisionit Qëndror të Zgjedhjeve ORA 14:00 KORÇE Korça janë numëruar deri tani 441 nga 447 kuti gjithsej ku 87258 vota, APMI 55888, FRD 1399. ELBASAN Elbasan, numërohen 408 nga 540 kuti, ku ASHE ka marrë 75093 vota, APMI 52376, FRD 1735, AK 604. KUKES Numërohen 167 nga 169 kuti gjithsej, ku ASHE ka marrë 18196 vota, APMI 27219, FRD 272 vota. DURRËS Në Qarkun Durrës janë numëruar deri tani 348 nga 444 kuti gjithsej, 58358 vota, APMI 48880, FRD 3322, AK 543. FIER Në këtë qark janë numëruar deri tani 411 nga 576 kuti gjithsej ASHE 90582 vota, APMI 45041 vota, kurse 5169 vota kanë shkuar në adresë të kandidatit të pavarur, Dritan Prifti. FRD 2144 vota, AK 540 vota. LEZHË Numërohen deri tani 207 nga 258 kuti gjithsej ASHE ka marrë 32915 vota, APMI 28425, FRD 688 vota. TIRANË Në këtë qark janë numëruar aktualisht 993 nga 1422 kuti votimi ku ASHE ka marrë 167137, APMI 125820, FRD 5813 vota. BERAT Në qarkun e Beratit janë numëruar deri tani 270 nga 302 kuti, ASHE 58847 vota, APMI 19698, FRD 469 vota. DIBËR (PERFUNDON NUMERIMI) Në Dibër janë numëruar të plota 264 kutitë e votimit, ku ASHE 36964 vota, APMI 35005, FRD 2322 vota. GJIROKASTËR Në Gjirokastër janë numëruar 133 nga 237 kuti gjithsej ku ASHE ka marrë 21553, APMI 8808, FRD 181 vota. SHKODËR Qarku Shkodër janë numëruar deri tani 324 nga 417 kuti gjithsej ku ASHE ka marrë 55466, APMI 47524, FRD 2411 vota, AK 429. VLORË Qarku Vlorë janë numëruar 411 nga 432 kuti, ku ASHE ka marrë 75276 vota, APMI 35966 vota. Kandidati i pavarur Arben Malaj ka marrë 3007, 1051 vota FRD, AK 851. PROCESI I NUMËRIMIT DERI NE ORËN 14:45 (SHPERNDARJA E MANDATEVE) Qarku Dibër, ka përfunduar numërimi ASHE 3, APMI 3 (PS 2, LSI 1, PD 3) Qarku Korçë, ka përfunduar numërimi ASHE 7, APMI 5 (PS 6, LSI 1, PD 5) Qarku Shkodër vijon numërimi ASHE 6, APMI 5 Qarku Kukës, vijon numërimi ASHE 2, APMI 2 Qarku Lezhë, vijon numërimi ASHE 4, APMI 3 Qarku Durrës, vijon numërimi ASHE 7, APMI 6 Qarku Tiranë, vijon numërimi ASHE 18, APMI 14 Qarku Elbasan, vijon numërimi ASHE 8, APMI 6 Qarku Fier, vijon numërimi ASHE 10, APMI 6 Qarku Berat, vijon numërimi ASHE 6, APMI 2 EMRAT PARAPRAKE TE DEPUTETEVE TE RINJ QARKU SHKODËR: PS- Mimoza Hafizi, Tom Doshi, Paulin Sterkaj, Sahit Fishta LSI- Agron Çela PD- Jozefina Topalli, Helidon Bushati, Voltana Ademi, Nard Ndoka, Gjovalin Bzheta QARKU LEZHË: PS- Mimi Kodheli, Armando Prenga, Arben Ndoka LSI-Monika Kryemadhi PD- Aldo Bumçi, Gjovalin Kadeli, Albina Deda QARKU DURRËS: PS- Blendi Klosi, Klodiana Spahiu, Ilir Beqaj, Namik Dokle, Gentian Bejko, Artur Bushi LSI- Lefter Koka PD- Eduart Halimi, Igli Cara, Albana Vokshi,Gent Strazimiri, Oerd Bylykbashi PR- Agron Duka QARKU TIRANE: PS- Pandeli Majko, Saimir Tahiri, Vasilika Hysi, Ditmir Bushati, Fatmir Xhafaj, Lindita Nikolla, Besnik Baraj, Xhemal Qefalia, Sadri Abazi, Parid Cara, Spartak Braho, Artan Gaçi, Pjerin Ndreu, Rakip Suli, Milena Harito, Dashamir Peza LSI- Ilir Meta, Klajda Gjosha, Luan Rama PD- Sali Berisha, Myqerem Tafaj, Majlinda Bregu, Halim Kosova, Florion Mima, Gerti Bogdani, Dashamir Shehi, Jorida Tabaku, Edi Paloka, Keltis Kruja, Kastriot Islami PR- Ylli Shehu PDIU- Shpëtim Idrizi QARKU KUKES: PS: Vexhi Muçmata PD: Flamur Noka, Besnik Dusha, Alban Zeneli QARKU DIBER: PS- Shkëlqim Cani, Ulsi Manja LSI- Përparim Spahiu PD - Sherefedin Shehu, Bedri Hoxha, Roland Keta QARKU ELBASAN: PS- Ben Blushi, Damian Gjiknuri, Evis Kushi, Alfred Peza, Taulant Balla, Musa Ulqini LSI- Edmond Haxhinasto, Bujar Kllogjri PD-Arben Imami, Eduard Selami, Ardian Turku, Luçiano Boçi PR- Luan Duzha PDIU- Aqif Rakipi QARKU BERAT: PS- Fidel Ylli, Ermonela Felaj, Eduard Shalsi, Eduart Bejko LSI- Nasip Naco, Selfo Kapllani PD-Genc Pollo, Astrit Veliaj QARKU KORCE: PS- Bashkim Fino, Arta Dade, Olta Xhaçka, Ilirian Pendavinji, Ilir Xhakolli, Ylli Ziçishti LSI- Piro Kapurani PD- Ridvan Bode, Eleina Qirici, Edmond Spaho, Fatmir Mediu, Gjergji Papa QARKU FIER: PS- Gramoz Ruçi, Erjon Braçe, Eglantina Gjermeni, Ilirjan Celibashi, Armando Subashi, Arben Çuko, Pirro Lutaj, Majlinda Bufi, Ervin Koçi LSI-Petrit Vasili, Robert Bitri PD- Sokol Olldashi, Mesila Doda, Kozma Dashi, Shpëtim Idrizi PDIU- Omer Mamo QARKU VLORE: PS- Edi Rama, Valentina Leskaj, Koço Kokëdhima, Luiza Xhuvani, Fatmir Toçi, Andrea Marto LSI-Shkëlqim Selami PBDNJ- Vangjel Dule PD-Astrit Patozi, Arben Ristani, Liljana Elmazi PDIU- Dashamir Tahiri QARKU GJIROKASTER: PS- Arben Ahmetaj, Erion Veliaj, Anastas Angjeli LSI- Vangjel Tavo PD- Genc Ruli DRITAN PRIFTI TËRHIQET NGA PROCESI I NUMËRIMIT Ora 14:43- Kandidati i pavarur në qarkun e Fierit, Dritan Prifti tërhiqet nga procesi i numërimit të votive, me pretendimin se PS dhe LSI I kanë vjedhur 50% të votave. KQZ: ORA 13.00, PËRFUNDON NUMËRIMI NË 79.28 % TË QENDRAVE TË VOTIMIT Ora 13:47- Komisioni Qendror i Zgjedhjeve njofton se deri në orën 13.00 të ditës së sotme ka përfunduar numërimi i votave në 79.28 % të qendrave të votimit në të 12 qarqet e vendit. Procesi, që ka vijuar edhe gjatë orëve të natës, po vijon normalisht. Sipas KQZ-së në rang kombëtar, numri i QV-ve që kanë përfunduar numërimin është 4367 nga 5508 të ngritura gjithsej në vend. Ja pasqyra e tabelave të numërimit të votave sipas qarqeve deri në ora 13:00: Në Qarkun Berat ka përfunduar numërimi në masën 89.40 %, apo 270 kuti nga 302 Në Qarkun Dibër ka përfunduar numërimi i të gjitha kutive, 264 kuti nga 264 Në Qarkun Durrës ka përfunduar numërimi në masën 78.38 %, apo 348 kuti nga 444 Në Qarkun Elbasan ka përfunduar numërimi në masën 80.74%, apo 436 kuti nga 540 Në Qarkun Fier ka përunduar numërimi në masën 73,96 %, apo 426 kuti nga 576 Në Qarkun Gjirokastër ka përfunduar numërimi në masën 65.40 %, apo 155 kuti nga 237 Në Qarkun Korçë ka përfunduar numërimi në masën 99.33 %, apo 444 kuti nga 447 Në Qarkun Kukës ka përfunduar numërimi në masën 95.86%, apo 162 kuti nga 169 Në Qarkun Lezhë ka përfunduar numërimi në masën 80.23 %, apo 207 kuti nga 258 Në Qarkun Shkodër ka përfunduar numërimi në masën 81.06 %, apo 338 kuti nga 417 Në Qarkun Tiranë ka përfunduar numërimi në masën 64.42 %, apo 916 kuti nga 1422 në Qarkun Vlorë ka përfunduar numërimi në masën 92.82%, apo 401 kuti nga 432 NDËRPRITET NUMËRIMI NË KZAZ 19 NË KRUJË Ora 13:25- Është ndërprerë numërimi I votive në qarkun e Krujës në KZAZ 19. Edhe pse nuk dihen ende arsyet mësohet se numërimi pritet të fillojë në orën 17:00. Deri më tani në këtë KZAZ janë numëruar 42 nga 88 kuti dhe rezulton se ASHE është në avantazh me 2700 vota. LEFTERIE LLESHI: VONESA NË NUMËRIM E PAJUSTIFIKUESHME Ora 12:44- Mesditën e sotme KQZ-ja ka zhvilluar një mbledhje gjatë së cilës kryetarja Lefterie Lleshi u shpreh se problemi i vetëm që ka nëpër KZAZ është ai i vonesës dhe ndërprerjes së procesit të votimit. Sipas saj është e pajustifikueshme kjo zvarritje. “Justifikimi i pushimeve po degjeneron, nuk ka arsye. Kodi parashikon numërim të pandërprerë prandaj janë grupet reserve”, tha ajo. KQZ kërkoi nga përfaqësuesit e partive politike që ta menaxhojnë si duhet këtë proces dhe të mos pengojnë numërimin e votave. Duke iu referuar problematikave të krijuara në KZAZ-të 11 (Kukës), 33 (Tiranë) dhe 89 (Vlorë), KQZ i bëri thirrje numëruesve që të çbllokojnë situatën, të mos e pengojnë procesin dhe të bashkëpunojnë me KQZ-në. RINIS NUMËRIMI NË KZAZ 11 NË KUKËS Ora 12:40- Raportohet se në KZAZ 11 në Kukës ku ishte ndërprerë procesi votimit të ketë rinisur, pasi është rregulluar problemi me internetin, si dhe ato me procesverbalet. BASHKIM FINO NË KORÇË: JEMI AFËR MANDATIT TË TETË Ora 12:24- Pas përfundimit të numërimit në qarkun e Korçës, kandidati për deputet i PS-së, Bashkim Fino deklaron se e majta është afër mandatit të 8, ndërkohë që pritet të bëhen përllogaritjet e fundit në rang qarku. PËRFUNDON NUMËRIMI NË BASHKINË E BERATIT, KRYESON BINDSHËM ASHE Ora 12:00- Ka përfunduar procesi i numërimit të votave në Bashkinë e Beratit, KZAZ nr 65, janë numëruar 75 kuti, por njëra është quajtur e pavlefshme për shkak të mungesës së vulës. ASHE ka marrë 17159 vota dhe APMI 7157 një diferencë prej 10 mijë votash. LSI ka përparuar ndjeshëm duke rrezikuar mandatin e 4 të PS. Ka gjasa që LSI të marrë 3 mandate, ndërkohë që PS 3 dhe PD 2. Kanë mbetur edhe 20 kuti në këtë qark për tu numëruar. PËRFUNDON PROCESI I NUMËRIMIT NË GJITHË QARKUN E KORÇËS Ora 12:00- Në qarkun e Korçës, të gjitha KZAZ-të tashme e kanë përfunduar proçesin e numërimit të votave. Pritet përditësimi i KQZ me të dhëna nga numërimi në ketë qark. Për sa i përket ndarjes së mandateve, rezulton se në këtë qark e majta ka marrë 7 mandate dhe e djathta 5 të tilla, duke prishur kështu balancat e 2009, ku koalicionet kryesore ishin 6 me 6. GJONCAJ: NË MBRËMJE MUND TË KEMI REZULTATIN E ZGJEDHJEVE Ora 11:00- Përfaqësuesi i Partisë Socialiste në Komisionin Qendror të Zgjedhjeve, Genc Gjoncaj në një prononcim për "News 24" komenton procesin e numërimit të votave. Sipas tij nëse procesi do vijojë normalisht dhe pa ndërprerje të numërimit, mbrëmjen e sotme mund të kemi rezultatin paraprak të zgjedhjeve. “Nga darka nëse nuk ka vonesa mund të kemi edhe rezultatin paraprak të zgjedhjeve” Ai shtoi se, edhe në këto zgjedhje problematikat mbeten të njejta, "por në krahasim me 2009 numërimi po ecën më mirë”, tha ai. DELVINE, PERFUNDON NUMERIMI I VOTAVE, KRYESON E MAJTA Ora 10:20- Proçesi i numërimit të votave përfundoi në KZAZ-në e Delvinës në orën 04.00 të mëngjesit. Sipas kryetarit të KZAZ nr. 87, Agron Kohila, u numëruan 42 kutitë e votimit në një proçes korrekt e trasparent. Rezultatet e procesverbaleve janë: 2600 vota PS, 1600 vota PD, 1100 vota LSI, PBDNJ 1180, PDIU 700 vota, AP 200 vota dhe Arben Malaj 220 vota. Të pranishëm në mjediset e KZAZ-së ishin vëzhgues të subjekteve politike dhe të OSBE-ODHIR. Në KZAZ nr. 87 u numëruan votat e votuesve të Delvinës, Mesopotamit, Finiqit dhe Vergoit. PËRFUNDON NUMËRIMI NË KZAZ 40, NJËSIA 11 NË TIRANË Ora 10:11 - Përfundon numërimi në KZAZ 40, në Njësinë Numër 11 në Tiranë, ku janë numëruar gjithsej 86 kuti votimi. Rezultati përfundimtar në këtë KZAZ: PD 10340 vota, PS 12000 vota, LSI 1500 vota dhe FRD 400 vota. PËRFUNDON NUMËRIMI NË GRAMSH, KRYESON E MAJTA Ora 09:50- Ka përfunduar sot në mëngjes procesi i numërimit të votave edhe në Bashkinë e Gramshit ku e majta ka dalë në avantazh. Mësohet se PS ka marrë 7150 vota, ndërsa PD 3230 vota, LSI 1666 vota, PR 817, PDIU 880. KORÇE, 3 KUTITE E FUNDIT, BLLOKOHET PROCESI NE KZAZ 72 Ora 09:40 - Procesi i numërimit në Korçë ka ecur me ritme të kënaqshme, ndërsa kanë mbetur vetëm 3 kutitë e fundit për tu numëruar. Por procesi është bllokuar në KZAZ-në 72, pasi mungojnë procesverbalet. Numëruesit janë në pritje të mbërritjes së procesverbaleve nga KQZ-ja, për të përmbyllur procesin e numërimit të votave në Korçë. PËRFUNDON NUMËRIMI NË QARKUN E DIBRËS, 3 MANDATE ASHE, 3 APMI Ora 08:40- Ka përfunduar numërimi në të gjithë qarkun e Dibrës. Ndarja e votave në mandate përkthehet në 3 për APMI dhe 3 për ASHE. Nga 3 mandatet që merr ASHE, 2 shkojnë për PS dhe 1 për LSI. Sipas të dhënave zyrtare të KQZ ASHE ka marrë 36964 vota, ose 49,56% ndërsa APMI 35005 vota ose 46,93%, FRD 2322 vota ose 3,11%. AK 0,33%. PËRFUNDON NUMËRIMI, KAVAJA JO MË BASTION I SË DJATHTËS, KRYESON E MAJTA Ora 07:05- Ka përfunduar sot në orët e para të mëngjesit numërimi i votave në Bashkinë e Kavajës. Edhe pse e njohur si një ndër bastionet e së djathtës, në këto zgjedhje Kavaja ka surprizuar, pasi më shumë vota ka marrë e majta. Kështu sipas të dhënave zyrtare që vijnë nga KQZ, PS ka marrë në Kavajë 6560 vota krahasuar me 4150 vota të PD.

.